Ehtiyojmand oilalarni aniqlash va ularni ijtmoiy ximoyalash, qo‘llab-quvvatlash yo‘lidagi sa’y-harakatlarda Xotin-qizlar qo‘mitalarining faol ishtiroki bor. Ayni kunda har bir tumanda xonadonlarga kirish orqali kam ta’minlangan oilalar, nogironligi bo‘lganlar qaytadan o‘rganilyapti. Ularga alohida e’tibor qaratilyapti, mavjud muammolari o‘rnida bartaraf etilib, uy-joyga muhtojlar ruyxati shakllantirilyapti. Shuningdek, hududlarda aniqlangan bo‘sh, foydalanmay yotgan binolarni qayta ta’mirlab uy-joyga muhtojlarga doimiy yashash uchun berish choralari ko‘rilmoqda.
Namangan shahrida joriy yilda ehtiyojmand oilalar uchun 14 ta ko‘p qavatli turar-joy qurilishi rejalashtirilgan bo‘lib, ularni 1-qavatidan uy-joyga muhtoj 28 nafar nogironligi bo‘lgan shaxslarga doimiy boshpana sifatida ajratish mo‘ljallanyapti.
Chortoq tuman Xotin-qizlar ‘mitasining bo‘sh binolarni nogironligi bo‘lgan uy-joyga muhtojlarga ajratish haqidagi taqdimnomasiga asosan tuman hokimligining ishchi guruhi taqdim etilgan ob’ektlarni qaytadan o‘rganib xulosa bermoqda. Shunga ko‘ra, tuman hokimligi Oyqiron maishiy xizmat kasb-hunar kollejining foydalinmayotgan 3 qavatli o‘quvchilar yotoqxonasini nogironligi bo‘lgan uy-joyga muhtojlarga berishni lozim topdi. Joriy yil Navro‘z bayrami arafasida 10 ta nogironi bor oila shu uylarga joylashtiriladi, yil davomida nogironligi bo‘lgan yana 20 ta oilaga yangi xonadonlar topshiriladi. Hozirda ana shu maqsadda zamonaviy ta’mirlash, tayyorgarlik ishlari ketmoqda.
***
Yangiqo‘rg‘on tumanidagi Iskovot madaniyat va aholi dam olish maskanida ijtimoiy himoyaga muhtoj xotin-qizlar va bitiruvchi yoshlarni qo‘llab-quvvatlash, ularning jamiyatdagi rolini oshirish, bandligini ta’minlash maqsadida tashkil etilgan tadbir ham ko‘tarinki ruhda bayramona o‘tdi. Undan xunarmandlar, kasanachilar, oilaviy tadbirkorlar va fermerlar tomonidan ishlab chiqilgan mahsulotlar ko‘rgazmasi o‘rin oldi. Shu orqali 100 nafar kam ta’minlangan, maxsus hisobdan chiqarilgan oilalarda yashovchi xotin-qizlar o‘rtasida usta-shogird, mehnat bilan banldikni ta’minlash yo‘llari targ‘ib qilindi va bu haqida keng tushunchalar, bo‘sh ish o‘rinlari bo‘yich aniq ma’lumotlar berildi.
Asosiysi, xotin-qizlardan 23 nafari taklif etilgan bo‘sh ish o‘rinlardan o‘zlari uchun ma’qulini tanlashdi va ishlash istagini bildirishdi.
Axborot xizmati