Click to listen highlighted text! Powered By GSpeech


Kamalov Ayubxon Aribdjanovich

Tug'ilgan yili va joyi: 22.02.1971, Namangan shahri

Ma'lumoti: Oliy, 1993 y. Leningrad qishloq xo‘jaligi instituti (kunduzgi),
2001 y. Namangan muhandislik - pedagogika instituti (sirtqi)

 MEHNAT FAOLIYATI

 1988-1993 yy. - Leningrad qishloq xo‘jaligi instituti talabasi

1993-1994 yy. - Namangan viloyat hokimi huzuridagi istiqbolni belgilash va statistika bosh boshqarmasi bozor munosabatlari istiqbolini belgilash bo‘limi
1-toifali mutaxassisi

1994-1994 yy. - Istiqbolni belgilash va statistika bosh boshqarmasi hududlarni kompleks va ijtimoiy taraqqiyot yig‘ma bo‘limi yetakchi mutaxassisi

1994-1999 yy. - “G‘allabank” ATB Namangan viloyat filiali kredit-reja bo‘limi mutaxassisi, 1-toifali mutaxassisi, yetakchi mutaxassisi, bo‘lim boshlig‘i

1999-2002 yy. - Markaziy bank Namangan viloyat Bosh boshqarmasi boshlig‘i o‘rinbosari - naqd pul muomalasi bo‘limi boshlig‘i

2002-2005 yy. - “Asaka” DATB Namangan viloyat filiali boshqaruvchisi

2005-2006 yy. - “O‘zbekiston Banklar assotsiatsiyasining universal birja markazi”
MCHJ direktori o‘rinbosari

2006-2010 yy. -  “Asaka” DATB Kreditlash departamenti boshlig‘i o‘rinbosari, departament boshlig‘i, chet el valyutasida va maxsus jamg‘armalar hisobidan kreditlash boshqarmasi boshlig‘i

2010-2012 yy. -  O‘zbekiston Respublikasi moliya vazirligi qimmatli qog‘ozlar va moliya bozori boshqarmasi banklar nizom jamg‘armasidagi davlat ulushini boshqarish sektori mudiri

2012-2016 yy. - O‘zbekiston Respublikasi moliya vazirligi qimmatli qog‘ozlar va moliya bozori boshqarmasi banklarning ustav kapitalidagi davlat ulushini nazorat qilish va lizing faoliyatini muvofiqlashtirish bo‘limi boshlig‘i

2016-2017 yy. - O‘zbekiston Respublikasi moliya vazirligi qimmatli qog‘ozlar va moliya bozori boshqarmasi boshlig‘ining o‘rinbosari

2017-2017 yy. - O‘zbekiston Respublikasi moliya vazirligi Investitsiya boshqarmasi boshlig‘ining o‘rinbosari

2017-2019 yy. - O‘zbekiston Respublikasi Vazirlar Mahkamasi huzuridagi tadbirkorlik faoliyatini rivojlantirishni qo‘llab-quvvatlash davlat jamg‘armasi ijrochi direktori

2019 y.  -  h.v. - Namangan viloyati hokimining iqtisodiyot va tadbirkorlik masalalari bo‘yicha birinchi o‘rinbosari

 Quyidagilar viloyat hokimining iqtisodiyot va tadbirkorlik masalalari bo’yicha birinchi o’rinbosarining asosiy vazifalari hisoblanadi:

O’zbekiston Respublikasi Konstitutsiyasi, O’zbekiston Respublikasi Qonunlarida hamda O’zbekiston Respublikasi Prezidenti va Vazirlar Mahkamasi tomonidan qabul qilingan hujjatlarda belgilanadigan iqtisodiy, ijtimoiy va tadbirkorlik sohasining eng muhim ustuvor vazifalariga muvofiq hududni kompleks rivojlantirish bo’yicha takliflar ishlab chiqish. Respublika miqyosida ishlab chiqilgan va tasdiqlangan maqsadli Dasturlarni ijrosini ta’minlash;

viloyat, shahar va tumanlarning makroiqtisodiy ko’rsatkichlarini, shu jumladan, yalpi hududiy mahsulot, sanoat, investitsiya, xizmat ko’rsatish, chakana savdo aylanmasi, eksport, inflyatsiya, bandlik, mahalliy byudjetning har yilgi prognoz parametrlarini asoslangan holda ishlab chiqish va uni samarali ijrosini tashkil qilish, debitor-kreditor qarzdorliklarni yuzaga kelishini oldini olish yuzasidan tizimli ishlarni amalga oshirish va qarzdorlikni bartaraf qilishning samarali usullarini joriy etish;

iqtisodiyot masalalari bo’yicha tegishli vazirlik, idoralar, qo’mitalar, tijorat banklarining hududiy tuzilmalari ish faoliyatini muvofiqlashtirish, aholini tadbirkor qilish maqsadida ular bilan tijorat banklari o’rtasida muloqot o’rnatish uchun har bir xonadonga kompleks bank va moliyaviy xizmatlarni taklif qilish orqali imtiyozli kreditlash dasturlarini ishlab chiqish va so’zsiz amalga oshirish;

tarmoq va hududiy boshqaruv organlari uzviy hamkorligini yo’lga qo’yish, iqtisodiyotning barcha tarmoqlarini, shu jumladan, bazaviy tarmoqlarini uzviy rivojlanishi, bunda tuman, shahar va viloyat kesimida ishlab chiqarish va mehnat resurslarini oqilona joylashtirish chora-tadbirlarini ishlab chiqish, raqobatbardosh mahsulotlar ishlab chiqarish uchun ishlab chiqarishni modernizatsiyalash, tarkibiy o’zgartirish va diversifikatsilashni amalga oshirish, investitsiyalarni, shu jumladan to’g’ridan-to’g’ri xorijiy investitsiyalarni moliyaviy mablag’ hamda zamonaviy texnologiyalar shaklida jalb qilish, korxonalar o’rtasida kooperatsiya aloqalarini kengaytirish;

iqtisodiy islohotlarni chuqurlashtirish, hudud iqtisodiyoti va ijtimoiy sohasini kompleks rivojlantirishning asosiy dasturlarini, shu jumladan, sanoat, investitsiya, mahalliylashtirish, qishloq xo’jaligini barcha sohasini, ayniqsa paxta tolasini va mevasa bzavotni qayta ishlash, xizmatlar sohasini rivojlantirish kabi maqsadli dasturlarni kafolatlangan moliyaviy manbaalarini aniqlagan holda tuman, shahar va viloyatning mahalliy byudjeti parametrlari bilan uzviy tarzda ishlab chiqish va so’zsiz amalga oshirishni ta’minlash;

hududiy investitsiya dasturlari amalga oshirilishini, respublika iqtisodiyotini rivojlantirishning o’rtacha va uzoq muddatli dasturlariga kiritilgan yirik investitsiya loyihalarini amalga oshirishga ko’maklashish;

xususiylashtirish jarayonlarini chuqurlashtirish va korxonalarning ustav kapitallaridagi davlat ulushi va aktivlarini xususiy investorlarga, shu jumladan, xorijiy investorlarga sotish hisobiga respublika iqtisodiyotida xususiy mulkning darajasi va rolini oshirish;

kichik biznes va xususiy tadbirkorlikni rivojlantirishni qo’llab-quvatlash, ularning huquqlarini himoya qilish va erkinliklarining kafolatlarini ta’minlash, qulay ishbilarmonlik muhitini shakllantirish, yangi korxonalar, shu jumladan, kichik biznes va xususiy tadbirkorlik sohasida korxonalarni tashkil etish dasturlarini ishlab chiqish va amalga oshirish, yangi ish o’rinlarini yaratish va aholining turli qatlamlari bandligi masalalarini hal etish orqali mahalliy byudjetning daromad bazasini kengaytirish, respublika va mahalliy byudjetga tushumlar hajmini oshirish hisobiga mahalliy byudjet subventsiyasi hajmini bosqichma-bosqich qisqartirish va bartaraf etish choralarini ko’rish;

qishloq xo’jaligi sohasidagi islohotlarni yanada chuqurlashtirish, ko’p tarmoqli fermer xo’jaliklarini moliyaviy qo’llab-quvvatlash, bu sohani industriyalashgan tarmoqqa aylantirish maqsadida qishloq xo’jaligining barcha turdagi mahsulotlarini qayta ishlash va eksport qilishni keskin kengaytirish uchun maxsus dasturlarini ishlab chiqish va amalga oshirish;

ishlab chiqarilgan mahsulotlarni, hududiy sanoat mahsulotlarini eksport qilish dasturlarini ishlab chiqish, dunyodagi narx kon’yukturasini o’rganib tahlil qilib borish va yangi turdagi mahsulotlarni o’zlashtirish hamda ularni yangi bozorlarda eksport qilishini ta’minlash bo’yicha kompleks chora-tadbirlar ishlab chiqish va amalga oshirish;

inson manfaatlarini ta’minlash, ayniqsa aholining qishloq joylarda hayot darajasini va sifatini oshirish, yanada farovon hayot kechirishi uchun pensiya va nafaqalar, real daromadlarini barqaror oshirish manbaalarini yaratish, zamonaviy bank va moliya infratuzilmasini yaratish hisobiga naqd pul to’lovlarini o’z vaqtida amalga oshirilishini ta’minlash, shuningdek yangi mexanizmi va tizimini joriy qilish;

iqtisodiyotda va ijtimoiy sohada ilmiy va texnologik salohiyatni, innovatsion texnologiyalarni yanada rivojlantirishga yo’naltirilgan chora-tadbirlarning, amalga oshirilayotgan ilmiy tadqiqotlar va texnologik ishlanmalarning darajasi, sifati va samaradorligini oshirish, ularning natijalaridan amalda keng foydalanishni tashkil etish;

turizmni rviojlantirish, turizm infratuzilmalarini shakllantirish, yangi turistik marshrutlar tashkil etish va chet davlatlarda hududning turistik salohiyatini keng targ’ib qilish;

chakana va ulgurji savdoni, xizmatlar ko’rsatish sohasini tashkil etish tizimini takomillashtirish, savdoni tashkil etish va xizmatlar ko’rsatishning yangi shakllari va usullarini keng joriy etish, aholini iste’mol tovarlari va xizmatlar bilan ta’minlash bo’yicha marketing tadqiqotlari yuzasidan bozorlar, yarmarka va ko’rgazmalar faoliyatini muvofiqlashtirish;

“yagona darcha” tamoyili bo’yicha tadbirkorlik sub’ektlariga davlat xizmatlari ko’rsatuvchi yagona markazlarning va davlat xizmatlari ko’rsatuvchi boshqa vakolatli organlarning faoliyatini, shuningdek davlat organlari bilan tadbirkorlik sub’ektlari o’rtasidagi o’zaro munosabatlarning bevosita aloqasiz shakllarini joriy etishning holatini tahlil qilib borish;

ishbilarmonlik muhiti indikatorlarini baholash va tadbirkorlik sub’ektlari o’rtasida o’tkazilgan so’rovlar natijalari asosida tadbirkorlik va ishbilarmonlik muhitini rivojlantirish yuzasidan ko’rilayotgan chora-tadbirlarning natijadorligi to’g’risidagi tahliliy materiallarni tayyorlash va keyinchalik ularni O’zbekiston Respublikasi Iqtisodiyot vazirligiga kiritish;

hududda ishbilarmonlik muhitini yanada yaxshilashga, shuningdek tadbirkorlik sub’yektlarining huquqiy kafolatlarini mustahkamlashga hamda kichik va xususiy tadbirkorlikni yanada rivojlantirishni rag’batlantirishga yo’naltirilgan normativ-huquqiy hujjatlarni takomillashtirishga doir takliflarni ishlab chiqish;

tadbirkorlikni rivojlantirishdagi eng muhim muammolar bo’yicha seminarlar va davra suhbatlarini muntazam o’tkazish, viloyat hokimligida “Ochiq eshiklar kuni”ni o’tkazilishini ta’minlash, shuningdek tadbirkorlikni qo’llab-quvvatlash yuzasidan ko’rilayotgan chora-tadbirlarning samaradorligi to’g’risidagi materiallarni ommaviy axborot vositalarida e’lon qilish yo’li bilan tadbirkorlik sub’ektlari orasida axborotva tushuntirish ishlarini tashkil etish;

davlat organlarida, iqtisodiyot tarmoqlari va sohalarida axborot-kommunikatsiya texnologiyalarini rivojlantirish hamda axborot xavfsizligini ta’minlash, shuningdek pochta va telekommunikatsiyalarni rivojlantirish, axborot faoliyati, arxiv ishi, intellektual mulk ob’ektlariga huquqlarni huquqiy muhofaza qilish samaradorligini oshirish;

O’zbekiston Respublikasi Prezidenti Devoniga, O’zbekiston Respublikasi Oliy Majlisi palatalariga va O’zbekiston Respublikasi Vazirlar Mahkamasiga ko’rib chiqish uchun kiritiladigan, shuningdek xalq deputatlari viloyat Kengashi va viloyat hokimi tomonidan qabul qilinadigan normativ-huquqiy va boshqa hujjatlar loyihalarining har tomonlama iqtisodiy va moliyaviy va huquqiy ekspertizadan (bu shart emas yurist va adliya boshqarmasi huquqiy ekspertizadan o’tkazadi)o’tkazish;

tasarrufidagi kotibiyat va tegishli tashkilot hamda muassasalarda O’zbekiston Respublikasi Vazirlar Mahkamasining 1999 yil 12 yanvardagi 12-sonli “Ijro intizomini mustahkamlash chora-tadbirlari to’g’risida”gi hamda 1999 yil 29 martdagi 140-sonli “O’zbekiston Respublikasi hokimiyat va boshqaruv organlarida ish yuritish va nazoratni tashkil etish bo’yicha me’yoriy xujjatlarni tasdiqlash to’g’risida”gi qarorlarining talablari asosida ish tashkil etish va ijro intizomini mustahkamlash;

jismoniy va yuridik shaxslarning murojaatlarini “Jismoniy va yuridik shaxslarning murojaatlari to’g’risida”gi O’zbekiston Respublikasi Qonuniga muvofiq ko’rib chiqish;

qonun hujjatlariga muvofiq boshqa vazifalarni ham bajaradi.

Quyidagilarning ish faoliyatini tashkil etadi:

to’lov muddati o’tgan debitorlik va kreditorlik qarzlarni qisqartirish va byudjetga to’lovlar intizomini mustahkamlash viloyat komissiya;

jazoni o’tash joylaridan ozod etilgan shaxslarga ijtimoiy-maishiy jihatdan va ishga joylashishida yordam ko’rsatish bo’yicha viloyat hokimligi huzuridagi maxsus komissiya;

harbiy xizmatga majburlarni zaxiralashtirish masalalari bo’yicha viloyat  komissiya;

Qurolli kuchlarda xizmat qilishga chaqiriluvchi yoshgacha bo’lgan va chaqiriluv yoshidagi yigitlarni tayyorlash holatini tekshirish va amaliy yordam berish komissiya;

tariflar va uy-joy kommunal xo’jaligidagi iqtisodiy islohotlar Dasturi bajarilishini monitoringini olib borish viloyat komissiyasi;

viloyat pul-kredit siyosati komissiyasi;

kompyuterlashtirish va axborot-kommunikatsiya texnologiyalarini rivojlantirish bo’yicha viloyat muvofiqlashtiruvchi kengash;

qonun hujjatlariga muvofiq tashkil etiladigan boshqa hududiy komissiyalar va kengashlar.

Quyidagi tashkilot, muassasa va korxonalarning viloyat hokimligi bilan o’zaro faoliyatini muvofiqlashtirib boradi:

viloyat iqtisodiyot va hududlarni kompleks rivojlantirish bosh boshqarmasi;

viloyat moliya boshqarmasi;

viloyat G’aznachilik boshqarmasi;

Moliya vazirligi viloyat bo’yicha nazorat-taftish boshqarmasi;

byudjetdan tashqari pensiya jamg’armasi viloyat boshqarmasi;

viloyat davlat soliq boshqarmasi;

viloyat statistika boshqarmasi

xususiylashtirish, monopoliyadan chiqarish va raqobatni rivojlantirish hududiy boshqarmasi;

viloyat Mehnat boshqarmasi

tashqi iqtisodiy aloqalar, investitsiyalar va savdo boshqarmasi;

Turizmni rivojlantirish davlat qo’mitasining hududiy boshqarmasi;

“O’zbekinvest” kompaniyasi, “O’zagrosug’urta” AJ, “Kafolat” AJ sug’urta agentligi viloyat bo’limi va boshqa sug’urta kompaniyalari filiallari;

Markaziy bank viloyat bosh boshqarmasi va barcha tijorat banklari hududiy bo’limlari;

Axborot texnologiyalari va kommunikatsiyalvrni rivojlantirish boshqarmasi;

“O’zbekiston pochtasi” aktsiyadorlik jamiyati viloyat bo’limi;

“O’zbektelekom” kompaniyasi viloyat filiali;

tovar xom-ashyo birjasi;

viloyatdagi ulgurji sharob bazalari;

viloyatdagi barcha avtodilerlar;

viloyatdagi ulgurji savdo bazalari;

viloyat bozorlari va savdo komplekslari uyushmasi;

viloyat “Hunarmand” uyushmasi;

Savdo-sanoat palatasi viloyat boshqarmasi.

 

Microsoft Word shaklida yuklab olish (38 KB)

Click to listen highlighted text! Powered By GSpeech